-->
-->
МЗТ Скопје го доби вечното дерби против Работнички
-->
Екипата на МЗТ Скопје Аеродром го доби дерби дуелот против „лутиот“ ривал Работнички со 74-70 во рамките од 16.коло на Првата лига.
Целиот меч кој се играше во „Градски парк“, мина во голема борба за секоја топка, а како резултат на таквата игра ниту еден од тимовите не успеа да направи поголема предност.
Гостите од Аеродром ги добија првите три периоди (18-16, 21-19 и 21-19), а домаќините само последниот (16-14), што беше доволно МЗТ да се радува на победа.
Во победничката екипа четворица играчи имаа двоцифрен број на поени. Најефикасен беше Иве Иванов со 22 поени (9 скокови), Предраг Самарџиски оствари дабл-дабл учинок со по 16 поени и скокови, Лестер Медфорд броеше до 13, а Дарко Соколов средбата ја заврши со 10 постигнати поени.
Кај Работнички, Бојан Крстевски со 19 поени беше најефикасен, а го следеше ветеранот Димитар Мираковски кој покрај 18 поени имаше и 10 асистенции, додека Марјан Јаневски придодаде 10 поени.
За актуелниот првак Работнички ова беше вториот пораз сезонава, па со скор 13-2 тимот од „Градски парк“ е на делба на второто и третото место со Блокотехна која утре гостува кај Гостивар. Со денешната победа, но и еден натпревар повеќе МЗТ Скопје има скор 14-2 и е лидер на табелата.
На останатите натпревари одиграни денеска, беа постигнати следниве резултати: АВ Охрид - Фени Индустри 86-101, Вардар - Шкупи 118 – 59 и Куманово - Пелистер 87-75
-->
-->
-->
Ново на Сител
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис