МЗТ – Црвена звезда за „стотче„

 

По вчерашната победа над Цибона на гостувањето во Загреб, кошаркарите на македонскиот шампион МЗТ Скопје Аеродром ги очекува тежок дуел во следната рунда на регионалната АБА бига.

 

Аеродромци пред своите симпатизери ќе го пречекаат актуелниот шампион во ова натпреварување и најголем конкурент за титулата и годинава составот на белградска Црвена звезда. 

 

Навивачите и симпатизерите на МЗТ Скопје Аеродром, како и сите останати спортски вљубеници кај нас веќе може да обезбедат билет за мечот против Црвена звезда, кој ќе се одигра во понеделник (22 јануари), во салата „Јане Сандански“, со почеток од 18 часот.

 

Влезниците се пуштени во продажба и тоа по цена од 100 денари, а може да се купат на касата при спортскиот центар „Јане Сандански“, како и онлајн преку интернет-страницата  ticketplus.mk.

 

По шеснаесет одиграни натпревари со само три победи и дури тринаесет порази, МЗТ Скопје е на последното место на табелата, додека црвено-белите кои имаат скор 13-3 се на втората позиција зад Будуќност со една победа повеќе