МВР за пожарот во Чаир: Горат два дуќани, куќа и чајџилница

Попладнево голем пожар избувна на улицата Цветан Димов во Чаир.

Од МВР потврдуваат дека зафатени се 4 објекти и на истите се интервенира со 8 противпожарни возила.

– На 25.05.2021 околу 17 часот известени сме дека избил пожар кој до овој момент има зафатено два дуќани – сервиси за велосипеди и мотори, една куќа и чајџилница. Повредени лица како последица на пожарот до овој момент нема. Во моментов сè уште се гасне пожарот од страна на БППЗ кои интервенираат со 8 возила.