МВР и Општина Битола со нови сообраќајни решенија за поголема безбедност
Претставници на Министерството за внатрешни работи и на Општина Битола заеднички ќе изработат нови сообраќајни решенија за подобрување на сообраќајот на неколку локации во градот, со цел да се олесни движењето и да се зголеми безбедноста во сообраќајот.
Ова е еден од заклучоците на денешната средба на министерот за внатрешни работи Оливер Спасовски и биитослката градоначалничка Наташа Петровска, што се одржа во Битола.
На средбата била потенцирана добрата соработка меѓу полицијата и локалната самоуправа.
– Безбедносната состојба на подрачјето на СВР Битола е стабилна и евидентно е намалувањето на криминалитетот, што е тренд во последните неколку години. Од друга страна, расте откривачката дејност односно расчистувањето на кривичните дела. Намалување има и во делот на сообраќајни незгоди со потешки последици и тоа за 11 отсто кога ќе се споредат првите девет месеци од 2019 и 2018 година, а дури 55 отсто во бројката на загинати лица во сообраќајни несреќи. Новите сообраќајни решенија, особено на влезот на Битола и во близина на касарната, треба да донесат дополнително намалување на сообраќајните незгоди со тешки последици, соопшти денеска МВР.
Министерот Спасовски и градоначалничката Петровска ја потенцирале важноста од соработката меѓу полицијата и локалната самоуправа со цел да се подобри квалитетот на живеење, особено ако се има предвид дека целта на полицијата е да се етаблира како реален сервис на граѓаните и постојано зголемување на довербата на граѓаните во полицијата.
Министерот Спасовски денеска го посетил и граничниот премин Меџитлија, каде со раководството на полициската станица разговарал за тековното работење во делот на граничната контрола и надзор, но и во делот на справувањето со обидите за илегално преминување на јужната граница. МВР во соработка со полициските службеници од пријателските држави, стои во соопштението, континуирано презема мерки за санкционирање на криумчарењето мигранти и спречување на обиди за илегално преминување на јужната граница и состојбата на оваа граница е стабилна.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп