Македонија
7. March 2017 - 11:46

Музичко-поетска манифестација во Куманово по повод 8 Март

Здружението на пензионери од Куманово вечер, во пресрет на празникот на жената, 8-ми Март, традиционално, 11. пат, организира музичко-поетска манифестација.
 
Настанот е предвиден за 19 часот, во новата сала на Занаетчискиот дом.
 
- Манифестацијата е во организација на комисијата за културно-уметнички самодејности која дејствува во рамки на Здружението, а од оваа година настапува со богата програма. Темата на која твореа нашите членови е „Моја младост – мој живот. Програмата ќе ја збогатиме со нашите солисти, дуети, како и хорот, изјави Славица Ламбаша од Комисијата за културно-уметнички самодејностви.
 
Комисијата претходно оствари проект и со невладините организации во градот, а богата програма имаат и за периодот кој следува.
 
-  Оваа година ќе имаме традиционални два целовечерни концерта, каде ќе бидат застапени сите наши активности од културно-уметничкиот живот, поточно од културно-уметничкото друштво „Ѓоко Симоновски“, фолклорната секција, драмската секција со која што сме единствени во Република Македонија. За оваа година исто така се подготвуваме за сите наши настапи, со нови песни и содржини. На меѓународен план имаме соработка со фолклорни ансамбли во соседна Република Србија, така да ќе гостуваме кај Здружението на пензионерите во Крагуевац. Една значајна манифестација каде што ние сме домаќини е хорската средба на пензионери, под наслов „Распеани пензионери“, информира Ламбаша.
 
Во наредните неколку месеци најавуваат и повеќе настапи низ државата и на меѓународен план. 

Популарно од Македонија

Ново на Сител

© 2026 Сител Телевизија