Мустафа: Косово ќе ги екстрадира двајцата осомничени во случајот „Монструм“
Министерот за внатрешни работи на Косово, Екрем Мустафа, кој е денес во работна посета на Македонија, во касарната во Ѓорче Петров, рече дека двајцата осомничени во случајот Монструм, Алил Демири и Африм Исмаиловиќ, ќе бидат екстрадирани во Македонија.
-Кога ќе се заврши процедурата во министерството за правда, тие ќе бидат екстрадирани во Македонија, рече Мустафа.
На 12 април 2012 година беа застрелани петмина скопјани додека ловеле риба крај Смилковското Езеро.
Убиени беа четири момчиња на возраст од 18 до 21 година од скопската населба Радишани – Филип Славковски, Александар Наќевски, Цветанчо Ацковски и Кире Трпковски, како и 45-годишниот Борче Стевковски од селото Црешево.
За петкратното убиство кај Смилковското Езеро беше отворен предмет „Монструм“, а на доживотен затвор беа осудени Алил Демири, Африм и Агим Исмаиловиќ и Езим и Хаки Азири и Сами Љута. Врховниот суд во декември 2017 година ги укина пресудите. Случајот „Монструм“ го презеде СЈО.
За судот сѐ уште недостапни се Алил Демири и Африм Исмаиловиќ по кои се распишани меѓународни потерници.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка