Мусави: Иран не планира средба меѓу Рохани и Трамп во ОН
Иран нема планови нивниот претседател Хасан Рохани да се сретне со американскиот колега Доналд Трамп на маргините на претстојното Генерално собрание на Обединетите нации во Њујорк.
-Нити сме планирале таква средба, ниту мислиме дека такво нешто ќе се случи во Њујорк, изјави Абас Мусави портпаролот на иранското Министерство за надворешни работи за државната телевизија.
Белата куќа вчера соопшти дека има можност Трамп да се сретне со Рохани во Њујорк следната недела, и покрај американските обвинувања дека Техеран стои зад нападите со дронови викендов врз нафтените постројки во Саудиска Арабија.
-Како што претходно кажавме, доколку Американците се вратат во нуклеарниот договор и го сменат својот економски тероризам, ќе можат да се вратат во заедничката комисија и да разговараат, појасни Мусави.
Тој ја имаше предвид комисијата во рамки на Заедничкиот сеопфатен акциски план, договор од 2015 година, што на Иран му даде ветување за ослободување од санкциите во замена за ограничување на неговата нуклеарна програма.
Ново на Сител
-
Португалија без Роналдо против Шведска
-
Сообраќајна несреќа на патот Прилеп - Битола, сообраќајот се пренасочува
-
Реал поднесе жалба против судијата кој не ги регистрира навредите кон Винисиус
-
Циклон на северот на Австралија, 700 луѓе останаа блокирани од остатокот од земјата
-
На 42-годишна возраст почина момчето на Арина Сабаленка
-
Кари се искачи на 30. место на листата на најдобри стрелци на сите времиња во НБА
-
На патот Крива Паланка – ГП Деве Баир да се управува внимателно, се работи на патот и има одрони
-
На полноќ истекува рокот за доставување на кандидатури за претседател на државата