МТСП: Следната година за активни мерки и програми за вработување 1,3 милијарди денари
За идната година за активни програми и мерки за вработување се испланирани рекордни 1,3 милијарди денари, односно 200 милиони повеќе од 2019 година. Како за споредба во 2016 година за Оперативниот план од Буџетот беа издвоени 707 милиони денари, што е речиси половина од предвидените средства за 2020 година, соопшти попладнево Министерството за труд и социјална политика.
Оперативниот план за активни програми и мерки за вработување што го усвои Владата, информира МТСП, се носел во широка консултација со бизнис секторот и синдикатите и е креаиран според потребите на пазарот на трудот.
Најголем акцент, истакнуваат, повторно се става на мерките самовработување, младинската гаранција, практиканство, обуки за напредни ИТ вештини, како и на програмите за докавалификација и преквалификација на невработените лица и нивно прилагодување за побаруваните профили на пазарот на труд.
На ниво на цела држава годинава преку Оперативниот план биле потпишани 1.484 договори за самовработување. Од нив вкупно 557 лица, односно 38 проценти се млади лица, до 29 години, а 518, односно 35 проценти се жени. Во последните неколку години околу 15 проценти од вкупно регистрираните приватни бизниси во државата потпаѓаат под програмата самовработување.
Според МТСП, активните мерки од Оперативниот план изминатиот период дале исклучително добри резултати во намалувањето на бројот на невработени, посебно на младите. Невработеноста на младите за една година е намалена за 10 проценти.
Ново на Сител
-
Апасиев: Очекуваме двоцифрен број на пратеници
-
Таравари: Ни треба нов Устав на две заедници
-
Ахмети: Уште поголема победа
-
Ковачевски: Масовна излезност на 8 мај
-
Мицкоски: СДСМ спрема црни сценарија
-
Тема на денот со Неда Малеска Сачмароска
-
Тинекс отвора уште неколку нови маркети, денеска отворен маркетот во О. Илинден
-
Во понеделник се враќа старата цена за осигурување на возилата