Можно заедничко претседавање на Бугарија и Северна Македонија со Берлинскиот процес
Бугарија и Северна Македонија најверојатно ќе имаат заедничко претседателство со Берлинскиот процес идната година, најави министерот за надворешни работи на Полска Јацек Чапутович, пренесува Бугарското национално радио.
Актуелен претседавач со Берлинскиот процес е Полска, а следниот треба да биде определен на Самитот во Познан на почетокот на јули годинава.
Чапутович, наспроти одложувањето на почетокот на преговорите за членство на Северна Македонија во ЕУ за октомври, сепак, е категоричен дека пред државите има јасна европска перспектива.
– Сметам дека ние треба да ги поддржиме. Многу сум задоволен, што најверојатно претседателството со Берлинскиот процес ќе го преземе Бугарија заедно со Северна Македонија, изјави шефот на полската дипломатија.
Советникот на полскиот претседател Андреј Дуда, Богослав Виниц, сепак, предупредува дека приклучувањето на сите држави од Западен Балкан во ЕУ може да се одложи на многу подолго.
– Ние ги поддржуваме земјите од Западен Балкан, но нема позитивна клима во Европа, која ќе дозволи нивно брзо пристапување. Ќе биде многу тешко да се приклучат барем во следните десет години, изјави Виниц. А
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО