Може ли Солскјер да го „ремонтира“ Јунајтед
СПОРТ
Солскјер подготвува ремонт, си одат Мата, Ерера, Санчез, Де Хеа…
Објавено пред
3 часа
- 4 април, 2019
Од

Менаџерот на Манчестер јунајтед, Оле Гунар Солскјер, во летниот преоден рок ќе им дозволи на шестмина фудбалери да го напуштат клубот. Доколку пишувањата на „Скај спортс“ се покажат како точни, тогаш летово од клубот ќе заминат најмногу играчи по летото 2015, кога тогашниот менаџер Луј Ван Гал отпушти петмина играчи.
„Скај спорт“ пишува дека Андер Ерера е блиску до трансфер во ПСЖ. Ерера ќе замине како слободен играч, а во Париз ќе добиле неделна плата од 185.000 евра.
Како слободен играч тимот ќе го напушти и Хуан Мата. Играчот од редот за врска наводно ги започнал преговорите со Барселона.
Од клубот ќе си оди и сè уште актуелниот капитен Антонио Валенсија. За Еквадорецот биле заинтересирани неколку екипи од италијанската Серија А.
Во Италија ќе се врати и Матео Дармијан. Поранешниот италијански репрезентативец последниот меч за Јунајтед го одиграл на 19 јануари против Брајтон.
Маркос Рохо веќе не е во клубот, само треба да објави каде ќе ја продолжи кариерата. Манчестер Јунајтед му дозволил на Рохо да се врати во татковината и да тренира со Естудијантес. Рохо оваа сезона има одиграно само три натпревари за „црвените ѓаволи“.
Солскјер по секоја цена ќе се обиде да го продаде Алексис Санчес, односно ќе се обиде да се ослободи од неговата екстремно висока плата. Чилеанецот дојде како големо засилување, но не успеа да се снајде во новиот клуб. За Јунајтед постигнал само пет гола на 41 натпревар.
Она што е најважно за Солскјер и клубот е да го задржат голманот Давид де Хеа. 28-годишниот голман беше на чекор до продолжување на договорот, но финансиските барања клубот не сака да му ги исполни. Де Хеа барал неделна од 400.000 евра.
Интерес за голманот покажуваа од ПСЖ.
Ново на Сител
-
Посебен режим на сообраќај во Скопје
-
САД од утре со 104 отсто царини на увозот од Кина
-
Ја продолжувам работата на Цепенков и Мисирков | Томче Јосимовски | ПРОфесија | Sitel Podcast 089
-
Бројот на жртви по уривањето на покрив во ноќен клуб во Доминиканската Република се искачи на 27
-
Грир: Царините утре стапуваат во сила, паралелно со преговори со некои земји
-
Трамп најави можен договор со Јужна Кореја и чека Кина да се јави
-
Пад на руските приходи од нафта и гас
-
Американските берзи го отворија денот со раст