Москва потврди дека Киев провоцира - објавена снимка на која украинските морнари признаваат дека ја нарушиле границата

Руската Федерална служба за безбедност (ФСБ) денеска објави видео со три члена на екипажот на запленетите украински бродови.

 

На снимката сите тројца потврдуваат дека ја нарушиле руската граница.

Не е можно да се утврди дали биле принудени да го сторат тоа, а јасно се гледа дека еден од нив чита од екран.

 

Во неделата, руската крајбрежна стража заплени три украински воени брода што се обиделе да го преминат Керченскиот теснец во Азовско Море во близина на Крим.

 

Овој инцидент е првата отворена воена конфронтација меѓу Русија и Украина.