Морисон: Австралија не брза да ги отвори границите
Австралија не брза да ги отвори меѓународните граници и да го ризикува животот кој речиси е ослободен од коронавирусот, изјави австралискиот премиер Скот Морисон.
Австралија ги затвори своите граници за сите лица кои не се нејзини државјани или немаат регистриран престој на нејзина територија во март 2020 година, а ограничен влез е дозволен во претходните месеци, главно за граѓаните кои се враќаат дома.
„Австралија не брза да ги отвори своите граници, ве уверувам. Јас нема да го загрозам начинот на кој живееме во земјата, што е прилично поразличен во споредба со остатокот од светот”, рече Морисон.
Затворањето на границата, заедно со силните рестриктивни мерки и следењето на контактите ја направи Австралија една од најуспешните земји во контролата на пандемијата, така што од првиот случај се регистрирани помалку од 29.500 заразени, додека починаа 910 пациенти.
Веќе неколку месеци, освен за време на кратки заклучувања, Австралијците можат да седат во ресторани, слободно да се собираат и да не носат маски на повеќето места.
Ново на Сител
-
ДИК: Гласаат болни и изнемоштени лица, затвореници и дијаспора
-
Изборна статистика
-
Масовна посетеност на струшката литија
-
Страотна сообраќајка кај скопско Влае - тројца повредени
-
ДИК: Гласаат болни и изнемоштени лица, затвореници и дијаспора
-
Избори во Идризово, гласаат близу 900 затвореници
-
Во Штип гласаат болни и изнемоштени, излезноста со ист процент како и во првиот изборен круг
-
МВР подготвено за избори