„Монструм“ одложен за 6 мај
Предметот „Монструм“ на Специјалното јавно обвинителство е одложен за 6 мај, во 10 часот, бидејќи на денешното рочиште службено отсутен беше претседателот на судечкиот совет, судијата Огнен Ставрев.
Како што информира судијата Осман Шабани, и Дафинка Ивановска, адвокатот на оштетените, го известила Судот дека нема да присуствува на денешното рочиште поради патување во странство.
Османи потсети дека на 8 април поднесок до Судот поднел адвокатот Насер Рауфи, бранителот на обвинетиот Агим Исмаиловиќ, со кој го откажал полномошното на обвинетиот. На 12 април до Судот било испратено барање на Исмаиловиќ да му се одреди бранител по службена должност.
Случајот „Монструм“ се наоѓа во доказна постапка и се однесува за петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски. За петкратното убиство на првото судење на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.
Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.
Ново на Сител
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога
-
СПМ: Ковачевски, Фатмир Битиќи и Бојан Маричиќ за грешките мора да си одат и да одговараат
-
Неготинец нападнал малолетник во сендвичарница