Момчето на загинатата Викторија нема тешки телесни повреди меѓутоа е во страшен шок

По сите направени прегледи момчето на загинатата Викторија. Н., 24-годишниот Л.Д, нема сериозни телесни повреди и е пуштен на домашно лекување.

„За среќа, тој не се здобил со тешки телесни повреди. Единствено имал набиеница во делот кај карлицата. Медицинскиот персонал целосно се погрижи за сите испитувања. Направена му е лабораторија, рентгенски прегледи по што е констатирано дека нема потреба да биде хоспитализиран. Пуштен е на домашно лекување со совет денеска да се јави на контрола“, изјави директорот на „Св. Наум Охридски" д-р Љубен Арсенков.

„Момчето било премногу вознемирено и во страшен шок. Една страшна сцена се случила на само еден чекор пред него, поради што му е дадена терапија за смирување “, дополнил д-р Арсенков.