Мобилни продавачи во Градски парк само на определени локации
Во Градски парк, според најавите, ќе се воведе ред за локациите и површината на која ќе може да работат мобилните продавачи, по реакциите на посетители дека се узурпираат патеките во стариот дел на Градски парк со натрупување на подвижни приколки.Се планира локаците да се доделуваат преку повик, тие да бидат со еднаква површина, да не го нарушуваат амбинетот на паркот, а сопствениците да добијат обврска да се справат со отпадоците.
Од Град Скопје велат дека се свесни за прашањето со поставувањето мобилни кафетерии во паркот, сконцентрирани на две-три локации кои узурпираат голем дел од патеката за минувачи. Најавуваат решение со коешто, како велат оттаму, ќе се излезе во пресрет на двете страни. Крајната цел е да се воведе ред и да се зголеми чистотата во паркот.
– На површината на Градски парк се мапирани точки кои ќе бидат наменети за ваков вид дејност. Нема да дозволиме натрупување на вакви подвижни приколки само во еден дел од паркот, истакнуваат од Град Скопје.
Оттаму најавуваат дека локациите ќе бидат објавени на јавен повик и заинтересираните продавачи ќе можат да аплицираат за нив.
– Предвидуваме и еднаква површина за сите мобилни продавачи. Изгледот на подвижните објекти и апарати ќе треба да не го нарушува амбиентот на градски парк. Најважно е што сопствениците ќе бидат обврзани отпадот да го фрлаат во посебни корпи за отпад, а не во кантите кои се поставени во паркот. Сакаме да воведеме ред и да ја зголемиме чистотата во паркот, појаснуваат од град Скопје
Според укажувањата на граѓаните, посетителите кои доаѓаат да се рекреираат во парк имаат потешкотии слободно да минуваат по патеките од бројните мобилни кафетерии и редиците граѓани околу нив. Додека едниот дел од Градски парк личи на панаѓур, како што велат, другиот дел е празен од посетители и продавачи. Се посочува и на случаи за проблеми помеѓу продавачите за тоа која локација кому „припаѓа“.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа