Митрески: Законот за обвинителство е поврзан со добивање на датум за преговори

Законот за обвинителство е поврзан со добивање на датум за преговори. Како владејачко мнозинство не сакаме да оставиме запирки или можни причини за непочнување на преговорите во некое скоро време, вели координаторот на СДСМ Јован Митрески по најавите на Министерството за правда за нов Закон за обвинителство.

 

- Ние сме должни да ги спроведиме реформите на правосудството и да носиме законски решенија кои ќе овозможат да се окончат судските постапки кои се почнати. Законот се уште не е доставен во Парламентот и не можам да го коментирам текстот, но откако ќе стаса ќе бидат консултирани сите партии. Тој закон се носи со 80 гласа и се надевам дека ќе обезбедиме 2/3 мнозинство за да го одблокираме овој процес - вели Митрески.

 

Бидејќи се работи за владин предлог, тој смета дека е обезбедена и поддршката од ДУИ иако во последно време нарушени се односите во владината коалиција.