Митрески: Одиме напред, економијата е во нагорна линија, рекордни 624,5 милиони евра странски инвестиции во 2018

Одиме напред, економијата е во нагорна линија, успешните економски политики на Владата предводена од СДСМ даваат резултат.

Во 2018 година постигнат е рекорден, историски износ на странски директни инвестиции од 624,5 милиони евра.

Странските инвестиции во 2018 година се за два и пол пати повисоки од 2017 година, кога тие изнесувале 181 милион евра.

Инвестициите носат повеќе пари, можности за отворање нови и подобро платени работни места, подобар животен стандард на граѓаните.

Тоа е потврда дека процесот на интеграција, стабилноста и успешните економски политики се препознаени и носат бројни придобивки за граѓаните.

Кога зборуваме за интеграција, за членство во НАТО и ЕУ, зборуваме и за повеќе инвестиции, подобро платени работни места, силна економија и подобар животен стандард.

Република Северна Македонија станува атрактивна земја за инвестирање. Годините на уназадување, стагнација и затвореност се зад нас.

Членството во НАТО, напредокот во интеграцијата кон ЕУ, спроведените реформи и успешните економски политики отвораат можности инвестициите дополнително да се интензивираат, а со тоа да се интензивира и економскиот раст, напредокот.

Остануваме посветени на спроведување на мерките што обезбедуваат економски раст, нови работни места, повисоки плати и повисок животен стандард за сите граѓани.

Јован Митрески, координатор на пратеничката група на СДСМ и коалицијата