Митева: Пред власта да носи популистички мерки како што е за недела неработен ден, првин треба да ги сослуша засегнатите страни

Портпаролката на ВМРО-ДПМНЕ, Марија Митева на новинарското прашање како ВМРО-ДПМНЕ гледа на законот за работни односи, кој што предвидува недела како неработен ден, истакна дека власта пред да донесе ваков закон треба прво да ги сослуша стопанствениците и оние кои што имаат потреба и кои што треба да ја закрепнат економијата во државата.

„Па многу пати досега сме кажале дека популистичките мерки кои што Социјалдемократскиот сојуз ги презентира во јавноста, многу пати од секторот кој што е од стопанскиот сектор наидоа на недоразбирања. И бараме да бидат слушнати стопанствениците и оние кои што имаат потреба и кои што треба да ја закрепнат економијата во државата“, појасни Митева.