Мисирката никому не му згрешила за да ја мачите со врзани нозе, реагира Анима мунди
Почитуван македонски народе, не се бара правдина за себе со чин во кој на друго битие му создавате болка, траума, невиден стрес и го лишувате од сѐ што е за него природно – реагираше денеска здружението за заштита на животните Анима мунди, откако беше употребена мисирка на протестите во Скопје против францускиот предлог.
- Мисирката е, исто како и човекот, чувствително и свесно битие, способно за емоции и наспроти општото убедување, мисирката е интелигентно животно кое во случајов никому ништо не му згрешила – велат од Анима мунди.
Од здружението потенцираат дека го поддржуваат правото на протест и веруваат во силата на народот, но мачење на животни никогаш не било ниту ќе биде досетливо, креативно – човечно – и како што додаваат, најостро го осудуваат.
Приморување на животно да биде меѓу таква толпа народ, со врзани екстремитети, кубено, тегнето, обезличено како да е предмет а не жива душа, е најодвратен облик на мачење на животно. Бараме од организаторите и сите присутни да не бидат инертни пред стравот на ниту едно живо битие и да се оневозможи злоупотреба на животни за какви било цели! Бараме јасна и недвосмислена осуда на чинот и никако да не се повтори! Бараме птицата итно да се ослободи во нејзината природна средина, или да ни се предаде ако за другото не постои алтернатива – порачуваат од Анима мунди.
Ново на Сител
-
Малолетник се шетал со нож низ Чаир, полицијата го приведе
-
Приведено 33-годишно лице во Штип поради кражба
-
Градоначалникот на Нови Сад Милан Ѓуриќ ќе поднесе оставка
-
Од утре дожд, на некои места пороен
-
Невреме и поплави во Италија
-
Во Битола пронајдено починато 46-годишно лице во куќа
-
Сиљановска-Давкова: Молкот го отвори патот за злото – мора да учиме од историјата
-
Српскиот премиер Вучевиќ ќе поднесе оставка