Мишел ги покани лидерите на ЕУ на самит - главна тема ќе биде испораката на муниција за Украина
Шарл Мишел – претседателот на Советот на ЕУ со писмо ги покани лидерите на земјите-членки на ЕУ, на самит закажан за 23 и 24 март во Брисел.
Во писмото Мишел ги информира лидерите на ЕУ дека главна тема на разговор ќе биде Украина.
„Тоа што е најважно, од нашата последна средба во февруари, работиме на итно зголемување на производството и испораката на муниција во Украина. Нашата цел е да и обезбедиме на Украина еден милион парчиња муниција во следните 12 месеци и да обезбедиме соодветно финансирање. За таа цел ќе треба да преземеме мерки за зајакнување на производствениот капацитет на европската одбранбена индустрија“ – рече Мишел.
На 20 март, министрите за надворешни работи и за одбрана на ЕУ одобрија план за испорака на „еден милион артилериска муниција на Украина како дел од заедничките напори во следните дванаесет месеци“ во Брисел.
Две милијарди евра европски пари ќе го кофинансираат проектот, а 27-те лидери на ЕУ треба да го одобрат овој план.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп