Минусни температури утрово во Берово, Тетово и Битола
Најниска температура утрово е измерена во Берово минус шест. Температури под нулата се измерени и во Тетово и Битола минус два, и во Крива Паланка, Демир Капија и Струмица минус еден.
Во Маврово, Прилеп, Скопје, Штип, Дебар и Куманово нула, во Кавадарци еден степен, два во Лазарополе, Охрид, Претор и Виница, 4 во Гевгелија и 6 степени во Дојран и Крушево.
Утринава во земјава времето е сончево и студено со мала до умерена облачност. По одделни котлини како и јужниот дел на Повардарието има појава на слаба магла. Дува слаб ветер од променлив правец. Воздушниот притисок утрово е многу висок, и е за 15 мерни единици повисок од просечниот, но во текот на денот ќе опаѓа.
Сончево и релативно топло со мала до умерена локална облачност. Ќе дува слаб ветер од променлив правец. Дневната температура ќе се движи од 16 до 22 степена.
Сончево со мала облачност и со слаб ветер од променлив правец. Температурата ќе достигне до 18 степени.
Нашето подрачје и понатаму ќе биде во поле на атмосферски систем со висок воздушен притисок и стабилна и сува воздушна маса. До среда под влијание на потопла воздушна маса дневните температури ќе бележат благ пораст, а условите за појава на утринска магла ќе бидат мали. Од четврток ќе потпаднеме под северно воздушно струење кое ќе предизвика постепено опаѓање на дневните температури.
Ново на Сител
-
Управниот суд одби 3 жалби на Европскиот фронт - вечерва одлучува по уште 4 жалби
-
Во Скопје почна одбележување 50 години од формирањето Француски институт во Македонија
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред
-
Тинекс одбележа 30 години постоење
-
Управен пред одлука
-
ДИК се пожали на притисоци, членовите стравуваат за сигурноста