Министерствата за здравство на Македонија и на Кина ќе ја унапредуваат соработката
Заменик - министерот за здравство, Јовица Андовски, денеска во Министерството за здравство оствари средба со неговиот кинески колега Ванг Пејан, со кого станало збор за продлабочување на соработката меѓу двете држави, со посебен фокус на унапредување на здравствената заштита на постарите лица, како и здравствената заштита на мајките и децата.
Како што соопшти Министерството за здравството, кинеската делегација била запознаена со работата на Центарот за традиционална кинеска медицина во Штип и изразила поддршка за идните планови за развој на овој Центар, кој е основан во рамки на проектот на Владата со поддршка од Министерството за здравство за развој на оваа дејност во Македонија, и се применуваат методи и техники како во Кина.
На средбата, како што е наведено во соопштението, било заклучено да се продолжи и унапреди соработката започната во рамки на Вториот состанок на министрите за здравство на 16 држави од Централна и Источна Европа и Кина, кој неодамна се одржа во Суџоу, провинција Џиангсу и во Шангај во Народна Република Кина, во организација на кинеската Национална комисија за здравство и планирање на семејството.
За време на престојот во Република Македонија, делегацијата од Кина оствари посети на повеќе јавни здравствени установи, меѓу кои Универзитетската клиника за гинекологија и акушерство и Геронтолошки завод „13 Ноември“.
Ново на Сител
-
Локализиран пожарот во тетовската млекарница, нема повредени
-
Момче (24) и девојка (28) од Македонија уапсени во Саранда поради кражба на плажа
-
Пожар во млекарница во тетовско Камењане
-
Приведени четири лица на забава на Бабуна кај Велес
-
Ослободена мечка уловена во стапица кај Дебарски Бањи
-
Командант на Иранската гарда: Техеран има обврска да му се одмазди на Израел
-
Украина со беспилотни летала нападна четири руски рафинерии
-
Уапсен осомничен за подметнување пожар во синагога во градот Ла Гранд Мот во Франција