Министерот Адеми се сретна со државниот секретар на финското МНР Мати Антонен

Министерот за образование и наука Арбер Адеми денеска се сретна со државниот секретар на Министерството за надворешни работи на Финска, Мати Антонен и со финскиот амбасадор во Македонија, Перти Иконен.

На средбата, како што соопшти Министерството за образование и наука, министерот Адеми ги потенцираше и плановите за реформирање на основното образование.

- Претставникот на финското Министерство за образование изрази поддршка за активностите, нагласувајќи дека Република Македонија со чекорите кои ги презема се наоѓа на добар пат кон градењето на квалитетен образовен систем во кој се интегрираат современите европски образовни вредности, се вели во соопштението од МОН. 

На средбата била потенцирана досегашната соработка на Република Македонија и Финска во областа на образованието.

Министерот Адеми информирал за тековните активности и реформите кои ги имплементира Министерството за образование и наука, додека од претставниците од Финска бил презентиран тамошниот образовен систем, кој е еден од најдобрите образовни модели во светот.