Милановиќ: Хрватска има ограничен капацитет да прима бегалци

Хрватска има ограничен капацитет да прима бегалци, предупреди премиерот Зоран Милановиќ.

- Ние сме конструктивни и соработуваме, но постојано напомнуваме дека капацитетите да прифаќаме и регистрираме мигранти се ограничени, изјави Милановиќ на седница на хрватската Влада.

Хрватскиот министер за внатрешни работи Ранко Остојиќ од своја страна изјави дека полицијата има целосна контрола над хрватската граница, но Хрватска треба да помисли за сосема друго однесување, ако бегалците продолжуваат да пристигнуваат во големи бранови.

Според податоците на хрватскиот Црвен крст, во последните 24 часа во Хрватска од Србија влегле околу 5.400 бегалци и во наредните денови се очекува да пристигнат уште околу 4.000, јави Хрватската телевизија.