Милан немоќен против Фиорентина

Милан го забележа четвртиот пораз во само шест кола во Серија А, уште еднаш ставајќи ја во неизвесност иднината на тренерот Марко Џампаоло, откако дома загубија со 1:3 од Фиорентина по што се 16. место на табелата.
За Милан ова е трет пораз во низа во лигата, додека Фиорентина под Винченцо Монтела сега има две победи едноподруго.
Виола дојде во водство на „Сан Сиро“ по само 14 минути игра, кога Ерик Пулгар стрелаше од белата точка, но клучниот момент на мечот беше во 55. минута, кога Матео Музакио доби директен црвен картон, оставајќи ги „росонерите“ со 10 играчи.
По ова следуваше колапсот на домаќините – Гаетано Кастровили во 66. минута зголеми на 0:2, а во 70. минута гостите имаа совршена шанса за 0:3, но Федерико Киеза од пенал не успеа да го совлада Џиџи Донарума. Само осум минути подоцна Киеза се „поправи“ со асистенција за Франк Рибери за 0:3. Рафаел Леао во 80. минута го постигна утешниот гол за Милан.
Ново на Сител
-

Собраниската надзорна расправа за Алта банка продолжува следната недела
-

Тема на денот со Горан Марковиќ, главен извршен директор на Македонски Телеком
-

Декларација за мир потпишана на историската средба меѓу претседателите на САД, Русија и Кина
-

Истражните органи влегоа во Макстил – Се проверува дали фабриката загадува надвор од дозволените параметри
-

Со акциски план ќе се бара решение за неконтролираното движење кравите низ Крива Паланка
-

„Блокадата е во Скопје, а не во ЕУ“, оценува директорот за проширување на Унијата
-

Институтот за историја одбележува 80 години постоење
-

Германија ја преполовува квотата за работници од Западен Балкан, помалку места и за Македонците
