Мицотакис на првата седница на новата грчка Влада ќе ги претстави приоритетите
Новиот грчки премиер, Кирјакос Мицотакис денеска ќе ја одржи првата владина седница, а на членовите на неговиот кабинет ќе им ги претстави приоритетите и ќе презентира нов модел на управување, брифираат грчки владини извори, јави дописничката на МИА од Атина.
Според истите извори, секој министер денес ќе добие коверт со шестмесечен план за областа за која што е одговорен. Ќе бидат детално објаснети конкретните цели што секое министерство ќе треба да ги постигне до декември и начинот на кој ќе се оценува владина активност.
На министрите и на замениците ќе им биде забрането вработување на роднини од прв и втор степен, а забрана за склучување на било каков договор со државата ќе имаат сопругите/сопрузите, како и децата на владините функционери.
На сите членови на владата: министри, заменици, генерални и специјални секретари ќе им се забрани секаква паралелна професионална или бизнис активност.
Генералните секретари во министерствата од 93 ќе се намалат на 60.
Првата владина седница ќе се одржи денес во грчкиот Парламент, во 11 часот по локално време.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари