Мицкоски: Време е како пред 130 години да се обединиме под знамето на Македонија и да тргнеме напред
„Дозволете ми од мое лично име и од име на ВМРО-ДПМНЕ да го честитам 23 Октомври - Денот на македонската револуционерна борба, на сите граѓани на Македонија.
23 Октомври е датум кој во нашата колективна меморија е врежан како датум кога за прв пат македонскиот народ се организирал во организација за борба за слободна и независна држава.
Формирањето на МРО, кое подоцна ќе прерасне и во народот ќе остане запаметено како ВМРО е симболот на пркос на Македонецот, воден од желбата за подобро утре.
И денес, како и тогаш на тој 23 октомври 1893 година ни е потребен тој пркос и желба за подобро утре, зошто политиките на власта удираат по темелите на општеството, ја разјадуваат државата и ги бркаат луѓето од своите домови во странство.
Време е како пред 130 години да се обединиме под знамето на Македонија и да тргнеме напред, да и кажеме не, на власта која не турка надолу, и да го реализираме сонот за просперитетна држава.
Ако на основачите на ВМРО им било ВАЖНО формирање на Македонска држава. На нас нивните следбеници ВАЖНО ни е Македонија да биде просперитетна држава, каде ќе владее правото и секоја индивидуа ќе има еднаква шанса за успех. На ВМРО-ДПМНЕ и на мене лично ВАЖНО ни е Македонија да напредува и достигнува нови височини.
Честит 23 Октомври, нека е вечна Македонија“, се вели во честитката од лидерот на ВМРО-ДПМНЕ по повод 23 Октомври – Денот на македонската револуционерна борба.
Ново на Сител
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците
-
Први преговори ВМРО-ДПМНЕ - ВЛЕН
-
Мицкоски: Во изјавите ќе го користиме терминот Македонија
-
Мицотакис: Не ги потпишуваме договорите од Преспа, тие се наше оружје