Мицкоски: Ова не е фер и демократска трка, ВМРО-ДПМНЕ трет пат почнува изборна кампања со замрзнат имот

Ова не е фер и демократска трка и поткупот е брутален со самото тоа што ВМРО-ДПМНЕ по трет пат почнува изборна кампања со комплетно замрзнат имот. Ние не можеме да функционираме како нормална политичка партија, потенцираше во Тема на денот на Сител лидерот на ВМРО-ДПМНЕ Христијан Мицкоски.

Мицкоски потсети дека во медиумите излегоа снимки од два советника од листата на советници во Битола, членови на СДСМ вршат брутален поткуп.

-Нити МВР, нити ЈО не излегуваат со никаква истрага, туку во јавноста слушнавме дека овие два советника пријавиле дека биле незаконски снимани. Не го негираат стореното кривично дело, туку велат ние бевме незаконски снимани. Такви случаи имаме многу, рече Мицкоски.