Мицкоски: Ако се прави црна листа на корупција, нема доволно хартија, за да се допише Владата на Зоран Заев
„Читам и слушам изминативе неколку дена, еден чуден вештачки натпревар во дел од медиумите, за тоа кој бил со едните, а кој бил со другите. Па дури и дел од оние пара-аналитичари, слуги на Заев почнаа да ни редат зборови во уста, а самите тие да пишуваат некаква црна листа. И нормално во вештачкиот лажен амбиент создаден од лажните кујни на власта на прво место им е ВМРО-ДПМНЕ па 10 празни места, демек тоа е тоа“, истакна претседателот Христијан Мицкоски на вчерашната на 30-тата Годишна конференција на УМС на ВМРО-ДПМНЕ.
Мицкоски додаде дека во делот во одлуката на претседателот Бајден каде јасно кажува дека се однесува и на корупција и криминал која се знае дека е широко распространет, стимулиран и заштитен од власта, не кажуваат ниту збор од СДСМ.
„Нема толку хартија, колку што има криминалци и корумпирани политичари во власта за таа црна листа“, нагласи Мицкоски.
Мицкоски посочи дека од власта се прават како да не ја знаат генезата на ВМРО и дека во својата основа ја има борбата за своја Република, во време кога во Европа владееја монархии и дека слободата и човечките правдини се нашето ново верују.
„И ми стана јасно што е причината за таквиот натпревар. Нема тешка филозофија, до рејтингот е. Заев драматично губи, а разликата се зголемува. Нема човек кој мисли добро за оваа Влада и кој не е разочаран. И токму затоа адутот на Заев се парите за поткуп, заштита на криминалот и лагите за опозицијата“, рече Мицкоски.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп