Метин Фејзиоглу: Претседателскиот систем на Ердоган ќе доведе до „султанат“
Новиот устав, кој претседателот Реџеп Таип Ердоган се обидува да и го наметне на Турција, во пракса земјата ќе ја претвори во „султанат“ и ќе стави крај на демократијата, изјави претседателиот на Сојузот на турскиот адвокатски колегиум, Метин Фејзиоглу, јави ДПА.
- Во нашите книги има специјален термин за тоа, тоа се нарекува султанат, рече Фејзиоглу денеска во Анкара.
Во моментов Парламентот е во процес на усвојување на уставните измени за воведување на претседателски систем, откако 18 члена беа одобрени со неопходното мнозинство од три петини во првото читање, а седум од нив веќе се одобрени и во второто читање.
Иницијативата на владејачката Партија на правдата и развојот е поддржана од крајнодесничарската Партија на националистичко единство, но двете партии заедно немаат доволно гласови за да го изменат Уставот без референдум.
Ердоган и раководството на Партијата на правдата и развојот сметаат дека пакетот уставни реформи, кој ќе создаде силна извршна власт, ќе помогнат во стабилизацијата на Турција. Противниците на мерките сепак сметаат дека тие ќе му наштетат на механизмот на контрола меѓу властите на државата и оти власта ќе биде сконцентрирана само во една институција.
- Може да се побара целосно укинување на поделбата на власта, рече Фејзиоглу и додаде дека новиот систем би довел до „нестабилност и хаос“.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски