Мета: Историски договорот меѓу Скопје и Атина
Албанскиот претседател Илир Мета го поздрави договорот за спорот со името постигнат меѓу премиерите на Македонија и на Грција, Зоран Заев и Алексис Ципрас, оценувајќи го истиот како историски.
- Многу сум радосен за историскиот договор за името на Македонија. Доаѓа во долгоочекуван момент како јасна евро-атлантска перспектива за нашиот регион. Честитки за храброста и одговорноста на политичкото раководство на Грција и на Македонија, што придонесоа за ова важно достигнување, оценува албанскиот претседател Илир Мета.
Потпишувањето на договорот преку Твитер го поздрави и премиерот Еди Рама.
- Двајцата прогресивни лидери на соседните земји денеска испишаа историја и им кажаа на ЕУ и на светот како визијата и волјата може да го надминат на минатото и да најдат простор за иднината, напиша Рама на Твитер на англиски јазик.
Постигнувањето на договорот го честиташе и шефот на дипломатијата Дитмир Бушати.
- Честитки за нашите соседи и пријатели кои постигнаа напредок со постигнување договор за прашањето за името. Со ова се отвора патот за интеграција во евроатлантското семејство не само на една земја, туку и на целиот регион. И покрај сите потешкотии, дипломатијата функционира, смета Бушати.
Албанските медиуми отстапуваат широк простор на информациите околу договорот, пренесувајќи ги изјавите на македонскиот премиер Заев, на грчкиот Ципрас, на лидерот на опозициската ВМРО ДПМНЕ, Мицковски.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација