Мескико започна постапка за екстрадиција на „Ел Чапо“ во САД

Мексиканските власти започнаа официјална постапка за екстрадиција во САД на познатиот нарко бос Хоакин Гузман, познат под прекарот „Ел Чапо“. 

Како што соопшти синоќа Јавното обвинителство на Мескико, Гузман бил информиран дека САД против него имаат распишано две потерници преку Интерпол.

„Ек Чапо“ беше уапсен во петокот, шест месеци откако побегна од затвор во Мексико во јули минатата година. 

Мескиканските власти информираа дека постапката за есктрадиција на “Ел Чапо“ би можела да потрае подолго време, имајќи пред вид дека неговите адвокати веќе поднеле шест жалби на барањета за негово предавање на САД.

„Ел Чапо“ е лидер на еден од најголемите нарко картели во Мексико, кој се занимава со шверц на дрога во САД.