Месечните приходи на ИД оваа година изнесуваат 80 милиони долари

Месечните приходи на терористите од Исламска држава (ИД) во 2015 година изнесуваат околу 80 милиони долари, а речиси половина се резултат на илегална трговија со нафта, се вели во истражување на американската компанија ИХС.

Голем дел од месечните приходи се данок од заработка на комерцијални фирми, кои се наоѓаат на територија која е под контрола на ИД.  

Покрај тоа, околу седум отсто приходи се остваруваат од продажба на наркотици и археолошки предмети.

– Остатокот (43 отсто) се однесува на приходи од илегална трговија со нафта, се вели во извештајот.