Мерките за вработување годинава ќе опфатат 12.000 невработени

Оперативниот план на Владата за вработување за годинава изнесува рекордни 1,4 милијарди денари. Со него се предвидува да бидат опфатени околу 12.000 невработени лица.

 

Планот предвидува пари за над 1300  лица да почнат сопствен бизнис. Искуството од претходниот период, од 2017 и 2018, покажува дека 93% од почнатите бизниси се се уште активни што значи дека овие мерки даваат резултати, смета вицепремиерката Мила Царовска.

 

Оперативниот план на Владата денеска е презентиран пред бизнис секторот и синдикатите. Мерките оваа година се под мотото  "Шанса за сите".