Меркел: Слободата на медиумите ќе биде главна тема во прeговорите меѓу ЕУ и Турција
Состојбите околу слободата на медиумите во Турција предизвика вознемиреност и ќе биде поставена како главна тема во преговорите со Анкара за членството во Европската унија, изјави денеска германската канцеларка Ангела Меркел на заедничката прес-конференција со швајцарскиот претседател Јохан Шнајдер Аман, јави ТАСС.
- Германската Влада е вознемирена од тоа што Турција одново и одново ја ограничува слободата на медиумите, истакна Меркел, и го посочи како пример последниот настан што се случи со главниот уредник на „Џумхуриет“.
Меркел нагласи дека Германија ќе го следи текот на истрагата за уапсените новинари.
Таа потенцира дека репортерите, кои се подложени на прогон, како и сите кои во сложените услови во Турција се борат за слобода на медиумите и на изразувањето на мислењето, можат да сметаат на солидарноста на Германија.
Меркел посочи дека германскиот дописник од Турција Мартин Ердман ја посетил редакцијата на „Џумхуриет“ и во разговор со новинарите истакнал колку е важна за Германија темата за слободата на печатот.
- Се разбира, таа ќе ја има главната улога во преговорите за членството на Турција во ЕУ, заклучи германскиот канцелар.
Главниот уредник на опозицискиот весник „Џумхуриет“, Мурат Сабанџу, беше уапсен на 31 октовмри и обвинет заедно со други раководители за извршување на злосторства во корист на курдските бунтовници и Фетулаховата терористичка организација (ФЕТО).
Ново на Сител
-
ДИК се уште го брои прегласувањето - дали ДУИ загуби еден пратеник?
-
Вреди освои пратеник плус
-
Расте просечната плата
-
Ковачевски се повлече од претседателското место во СДСМ
-
Заврши прегласувањето
-
Заврши прегласувањето на 7 избирачки места - Ќе изгуби ли ДУИ две пратенички места?
-
Тема на денот со Александар Кржаловски
-
30 години Дански конзулат во Македонија, ново признание за Живко Мукаетов