Меркел: Слободата на медиумите ќе биде главна тема во прeговорите меѓу ЕУ и Турција
Состојбите околу слободата на медиумите во Турција предизвика вознемиреност и ќе биде поставена како главна тема во преговорите со Анкара за членството во Европската унија, изјави денеска германската канцеларка Ангела Меркел на заедничката прес-конференција со швајцарскиот претседател Јохан Шнајдер Аман, јави ТАСС.
- Германската Влада е вознемирена од тоа што Турција одново и одново ја ограничува слободата на медиумите, истакна Меркел, и го посочи како пример последниот настан што се случи со главниот уредник на „Џумхуриет“.
Меркел нагласи дека Германија ќе го следи текот на истрагата за уапсените новинари.
Таа потенцира дека репортерите, кои се подложени на прогон, како и сите кои во сложените услови во Турција се борат за слобода на медиумите и на изразувањето на мислењето, можат да сметаат на солидарноста на Германија.
Меркел посочи дека германскиот дописник од Турција Мартин Ердман ја посетил редакцијата на „Џумхуриет“ и во разговор со новинарите истакнал колку е важна за Германија темата за слободата на печатот.
- Се разбира, таа ќе ја има главната улога во преговорите за членството на Турција во ЕУ, заклучи германскиот канцелар.
Главниот уредник на опозицискиот весник „Џумхуриет“, Мурат Сабанџу, беше уапсен на 31 октовмри и обвинет заедно со други раководители за извршување на злосторства во корист на курдските бунтовници и Фетулаховата терористичка организација (ФЕТО).
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри