Меркел: Ситуацијата е драматична, ова мора да се запре
Германската канцеларка Ангела Меркел предупреди дека ситуацијата во Германија е опасна.
Според неа, сегашните мерки против ширење на коронавирусот не се доволни и постои опасност од преоптоварување на одделенијата за интензивна нега во болниците.
Меркел и нејзиниот шеф на кабинет Хелге Браун му се обратија на врвот на ЦДУ со драматичен апел дека секој ден во борбата против коронавирусот е одлучувачки.
Бројот на новоинфицирани лица во Германија сега се зголемува двојно за една недела, што покажува дека мерките не се доволни и дека нема забавување на епидемиолошкиот развој.
Меркел им рече на своите сопартијци дека земјата наскоро може да се соочи со тешка состојба во врска со слободните кревети на интензивна нега.
„Овој раст мора да се запре. Ситуацијата е многу драматична”, рече таа, пренесува „Билд“.
Браун рече дека стравот од коронавирусот е намален кај населението.
Тој исто така предупреди дека во одреден момент одделот за интензивна нега ќе биде полн, поради што апелираше до граѓаните да ги намалат социјалните контакти, за да ширењето на вирусот повторно биде ставено под контрола.
За петок е планирана нова средба меѓу канцеларката Меркел и премиерите на 16 германски покраини.
Меркел најави дека овојпат сака поостри, заеднички мерки во борбата против коронавирусот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово