Меркел: Ниту една држава не може сама да ги реши проблемиоте во светот

Ниту една земја не може сама да ги реши проблемите и владите можат многу повеќе да направат за своите држави ако работат заедно и во тесна соработка, изјави германската канцеларка Ангела Меркел.

Германија председава со 20 водечки економии (Г-20), чии министри имаат дводневна средба во Берлин.

Меркел ја потенцира важноста од мултилатералната соработка откако претседателот на САД, Доналд Трамп ги стави под знак прашалник меѓународните сојузи и изјави дека неговата политика ќе се раководи од принципот „Америка на прво место“.

Според Меркел добар знак е што американската администрација испраќа делегација на престојната безбедносна конференција, што треба да се одржи во Минхен.

На тридневната конференција. што почнува в петок американскиот заменик-претседател Мајк Пенс и секретарот за одбрана Џејмс Матис ќе имаат средби со европските сојузници.