-->
-->
Меркел: НАТО да покаже сила и да го прoдолжи дијалогот со Русија
-->
НАТО треба да покаже подготвеност за одбрана, но не треба да го прекинува дијалогот со Русија туку да ги држи отворени линиите на комуникација, смета германската канцеларка Ангела Меркел.
Таа во своето неделното обраќање преку веб порталот на германската Влада најави двојна стратегија на алијансата во односите со Русија кои што треба да бидат комбинација од демонстрирање на сила и во исто време искажување подготвеност за дијалог, јави дописникот на МИА од Берлин.
Причината за ваквата политика според Меркел е новата безбедносна ситуација во Европа.
Меркел бара НАТО да остане заедно во пресрет на заканите на глобалната сцена кои според германските безбедносни експерти го вклучуваат и рускиот претседател Владимир Путин.
- Трансатлантската алијанса не смее да дозволи да биде поделена на Северна Америка и Европа, вели Меркел во една од нејзините најсилни про-НАТО изјави откако во Белата Куќа дојде Доналд Трамп.
Меркел смета дека НАТО не треба сама да ја води битката против милитантните екстремисти, при што го даде примерот со Сирија каде што е неопходна меѓународна коалиција за битка со исламскиот тероризам.
Изјавата на Меркел следува по нејзината изјава минатата недела во која таа потенцираше дека Русија е важен фактор во битката против меѓународниот тероризам.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово