Меркел најави еколошко партнерство со Индија

Германската канцеларка Ангела Меркел изјави денеска дека нејзината земја во наредните пет години, во рамки на новото германско-индиско партнерство, ќе потроши една милијарда евра за проекти за зелена урбана мобилност.

Најавените средства ќе се употебат за финансирање на неколку проекти кои се однесуваат за заштита на животната средина, како што е воведување електрични автобуси во јавниот градски превоз.

Германија е најголем трговски партнер на Индија од Европа и повеќе од 1.700 германски компании работат во таа земја.