Меркел: Германија ќе побара алтернатива за турската база Инџирлик
Германскиот канцелар Ангела Меркел ја нарече непријатна целата ситуација со забраната на турските власти да им дозволи влез на германските пратеници во воената база Инџирлик, каде има војници на Бундесверот, пренесе ТАСС.
- Ова е непријатно и по различни канали тоа јасно го дадовме до знаење, рече таа на денешната прес конференција.
„Ќе ги продолжиме преговорите и паралелно со тоа ќе видиме што ќе правиме во иднина, затоа што веќе имавме тешкотии да ја посетуваме базата. Тоа значи дека ќе бараме алтернатива на Инџирлик“, подвлече таа и напомена дека една од варијантите е дислоцирање на германските војници во Јордан.
Претходно денеска, германското Министерство за надворешни работи соопшти дека турската Влада одбила да ги пушти пратениците од Бундестагот во авиобазата Инџирлик, каде служат војници на Бундесверот.
Во одговор на ова, официјален Берлин ја соопшти својата намера да ги премести своите единици распоредени во Турција, а кои учествуваат во операциите на западната коалиција против Исламска држава. Како приоритетна варијанта се разгледува нивното преместување во Јордан.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228