Мексико: Се судрија автобус и камион, осум загинати, 27 повредени

Осум лица загинаа, а 27 се повредени во сударот меѓу автобус и камион што се случи вчера на автопат во мексиканската држава Веракруз.

Обвинителите од оваа држава, која се протега покрај брегот на Мексиканскиот залив, објавија дека несреќата се случила пред зори на дел од патот во близина на главниот град Ксалапа.

Повеќето од жртвите се патници на локалната автобуска линија, а меѓу загинатите има тројца мажи, четири жени и едно девојче.