Меј огорчена поради однесувањето на Северна Кореја

Британската премиерка Тереза Меј, пред најавената посета на Токио, истакна дека е огорчена поради најновото лансирање на балистичка ракета од страна на Северна Кореја.

- Премиерката е огорчена поради безобѕирните провокации на Северна Кореја и најостро ги осудува овие нелегални проби. Од наша перспектива, сакаме да продолжиме да работиме со нашите меѓународни партнери, со цел да продолжиме да ја притискаме Северна Кореја, изјави портпаролот на Меј.

Тој додаде дека владини претставници од Велика Британија и од Јапонија се во постојан контакт.

Меј од утре до петок ќе биде во официјална посета на Јапонија.

- Следните три дена премиерката ќе има прилично време да дискутира со јапонскиот премиер Шинзо Абе, покрај другото и за Северна Кореја.