Меѓународниот балкански универзитет одржа комеморативна програма за жртвите во пожарот во Кочани

 Меѓународниот балкански универзитет (ИБУ) одржа комеморација во чест на жртвите кои ги загубија своите животи во разорниот пожар во Кочани, со цел сеќавање на загинатите и изразување длабоко сочувство до нивните семејства и блиски. Церемонијата почна со едноминутно молчење, при што студентите, академскиот кадар и административниот персонал им оддадоа почит на жртвите. Потоа, присутните положија цвеќе на одредена спомен-локација и потпишаа книга на сеќавања, споделувајќи ги своите мисли, молитви и пораки на поддршка за семејствата во жалост.

Како дел од својата заложба за солидарност и сочувство, ИБУ информира дека почна и иницијатива за донации во рамките на универзитетот. На кампусот беа поставени кутии за донации, овозможувајќи им на студентите, професорите и вработените да придонесат за значајна кауза. Собраните средства ќе бидат донирани на семејствата на жртвите.

ИБУ изразува најдлабоко сочувство до семејствата и пријателите на оние кои ги загубија животите во оваа трагедија.

-Нашите мисли и молитви се со нив во овој тежок момент. Нека жртвите почиваат во мир, а нивната меморија да живее вечно, наведува Универзитетот.