Меѓународен фолклорен фестивал во Кочани
На летната сецана пред Националната установа Центар за култура „Бели мугри“ во Кочани синоќа се одржа меѓународниот фолклорен фестивал „Пееме и играме во чест на оризот“ на кој настапија шест странски и четири домашни фолклорни ансамбли и групи. Фестивалот е дел од меѓународната стопанско културна манифестација „Денови на кочанскиот ориз“.
Со дваесетминутна програма пред кочанчани и бројните гости се претставија Фолклорните групи на македонците од Крањ и Љубљана, Словенија, Фолклорниот ансамбл од Павел Бања Бугарија, Фолклорниот ансамбл од Дидим Турција, Фолклорната група од градот Андреевиќ Црна Гора, како и Фолклорните ансамбли од Пирот Сребија и од Зубин Поток од Косово.
- На годинешниот меѓународен фолклорен фестивал учествуваат фолклористи од повеќе земји на Балканот кои ќе ни приредат богатство од музика, песни и игри, карактеристични за фолклорното поднебје од земјата од која доаѓаат. Вечерва пееме и играме во чест на оризот, белото кочанско злато кое за овдешните жители претставува повеќевековна историја и животна егзистенција, истакна во своето обраќање на фетсивалот Ратко Димитровски, градоначалник на општина Кочани.
Меѓународниот фолклорен фестивал го следеа и гости од збратимените општини со Кочани, Крижевци од Хрватска, Крањ од Словенија и Дидим од Турција.
Денеска на последниот ден од Манифестацијата „Денови на кочанскиот ориз“ ќе биде демонстрирана рачна жетва со срп на оризово поле во село Прибачево, изнесување на полози и вршидба на оризова арпа на гумно со ѕевгар. На собирот во Прибачево ќе биде прогласен и најдобриот земјоделски производител од Кочанско за годинава на кого општината ќе му додели парична награда за набавка на механизација.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници