Меџити: Локацијата во Битола сега има околу 50 диви депонии, идејата е да се направи една што ќе нема негативни ефекти врз животната средина

Локацијата во Битола сега има околу 50 диви дипонии, а проектот предвидува една нова локација во рамки на директивите на ЕУ, во близина на РЕК Битола. Средствата се добиени и нема негативни ефекти врз животната средина, изјави вицепремиерот и министер за животна средина и просторно планирање Изет Меџити. 

Одговарајќи на прашање од пратеничката Бисера Костадиновска Стојчевска од СДСМ, Меџити рече дека идејата е за пристап до оваа депонија да се изгради нов пат, што нема да минува низ Битола. 

- Ова е прва фаза, и треба сите да собереме сили и средства да влеземе во втора и трета фаза, што значи и рециклирање. Нема ништо да се направи што не е во интерес на граѓаните, порача Меџити.