Медицински сестри од Гевгелија им помагаат на своите колеги во ГОБ „8 Септември“ во Скопје
Три медицински сестри од Општата болница со проширена надлежност од Гевгелија на барање од Министерството за здравство поради недостиг на кадар се испратени во ГОБ „8 Септември“ во Скопје, каде им се придружија на колегите во напорите за успешно справување со Ковид-19, потврди денеска директорот на гевгелиската болница Митко Крџев.
– Во текот на вчерашниот ден медицинските сестри пристигнаа во Скопје, каде со останатите нивни колешки од болниците во земјава поминаа кус тренажен процес за запознавање со процесот и протоколите за работа и од денеска се веќе распоредени на работа на болничките одделенија каде за тоа има најмногу потреба, рече Креџев.
Тој посочи дека медицинскиот персонал од Гевгелија ќе биде времено ангажиран како испомош во ГОБ „8 Септември“ за период од 14 дена.
Покрај тоа, денеска од Подрачната единица на Центарот за јавно здравје од Гевгелија беше потврдено дека вчера регистрираниот инфициран пациент со Ковид-19 не е од Гевгелија, туку од селото Стојаково, општина Богданци.
Ново на Сител
-
ЦУК: Заглавена екипа на Брза помош со пациент во лифт
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи
-
Поднесена кривична пријава против Самка Ибраимовски за закани и повици за насилство кон судија на Уставниот суд
-
Марк Руте е новиот генерален секретар на НАТО
-
Штипјанец и гевгеличанка лишени од слобода поради дрога