„Медена земја“ ќе се прикажува во кината во осум македонски градови
Документарниот филм „Медена земја“ (Honeyland) од денеска почнува со кинодистрибуција во осум градови низ земјава. Филмот кој оваа година е македонски кандидат за „Оскар“ и е во трка за најдобар документарец на Европските филмски награди, покрај во Скопје ќе се прикажува и во Кратово, Штип, Крива Паланка, Струга, Битола, Куманово, Свети Николе и Охрид.
Од 19 часот ќе се прикажува во Центарот за култура во Крива Паланка, а од 20 часот во Домот на културата во Кратово и во Домот на млади во Штип. На 2 октомври е закажана проекцијата во Центарот за култура „Браќа Миладиновци“ во Струга, со почеток во 19 часот, а на 3 октомври во 20 часот филмот ќе се прикажува во „3D Кино“ во Битола и во МКЦ „Козјак“ Куманово.
На 4 октомври во 19.30 часот документарецот ќе игра во Домот на културата во Свети Николе, а во 20 часот во Центарот за култура „Григор Прличев“ во Охрид. Продукцијата соопшти дека наскоро ќе бидат објавени термини за кинопроекции и во другите градови.
Покрај редовните проекции во скопското кино „Синеплекс“ во ТЦ „Сити мол“, наградуваниот документарец од 21 септември е на репертоарот и на кино „Милениум“.
Ново на Сител
-
Повлечени 104.000 пакувања леб во Јапонија откако во две биле пронајдени траги од глувци
-
Земјотрес во Србија
-
Најмногу дожд на Попова Шапка во изминатите 24 часа
-
Герасимовски: Лицата со попреченост ќе може да користат бесплатен превоз до болница
-
Најчестите знаци на прекумерно внесување шеќер
-
Избрани останатите 10 финалисти на Евровизија
-
Реал и Борусија ќе добијат по 25.000 влезници за финалето на Вембли
-
Албанија и Србија со кандидатура за заеднички домаќин на Европското првенство за млади во 2027