Тенис
19. November 2015 - 8:21

Мастерс: Вавринка го победи Ферер, Надал во полуфинале

Со победата на Стан Вавринка над Ферер, Рафаел Надал го обезбеди првото место во групата „Илие Настасе“ на Мастерсот во Лондон и со тоа пласман во полуфиналето.
 
Вавринка синоќа во два сета беше поуспешен од шпанскиот тенисер Ферер, иако Шпанецот во првиот сет водеше со 5:3, но го загуби со 7:5, а во вториот беше 6:2.
Во првиот дуел од 2.коло од групата, Надал го совлада Британецот Енди Мареј со 2-0 (6:4 и 6:1).
 
Од оваа група Ферер ги загуби шансите за учество во завршните мечеви, додека Мареј и Вавринка во меѓусебниот меч во петок ќе решат за вториот полуфиналист.
 
Денеска на програмата се мечевите од 3.коло во групата „Стен Смит“:
Роџер Федерер – Кеи Нишикори и 
Новак Ѓоковиќ – Томаш Бердих.
Од оваа група пласман во полуфиналето има обезбедено Федерер, додека на Ѓоковиќ потребен му е еден сет за пласман во полуфиналето.