Масовни протести во Франција
Во Франција за денеска се најавени масовни протести поради предложениот закон за труд и се очекува железничкиот и авио сообраќајот да бидат нарушени.
Во Париз се очекува да има повеќе од 50.000 демонстранти, а трасата од 5,5 километри, која е предвидена за протестниот марш, е подолга од претходните собири.
Низ улиците ќе бидат распоредени голем број полицајци, а упатен е апел до синдикалните организации и демонстрантите да покажат одговорност.
Француската Национална железница најави за денеска прекин на некои линии, како и метрото во Париз, додека авиопревозникот „Ер Франс“, чии пилоти исто така го продолжија штрајкот, планира да обезбеди 80 отсто од летовите.
Генералниот секретар на најголемиот синдикат ЦГТ, Филип Мартине тврди дека денешните протести ќе бидат најмасовни во изминатите неколку месеци.
Демонстрантите протестираат поради предложените реформи во законот за труд, со кои се предвидува полесно отпуштање на вработените и подолга работна недела.
Ново на Сител
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа